إغلاق القائمة
دورة تعلم كيفية كتابة مقال يتصدر محركات البحث للمبتدئين

دورة تعلم كيفية كتابة مقال يتصدر محركات البحث للمبتدئين

    إذا كنت تمتلك مدونة أو موقعاً إلكترونياً فحتماً قد سمعت من قبل عن مصطلح « سيو » أو « SEO » وهو اختصار لجملة « Search Engine Optimization » أو تهيئة المواقع لمحركات البحث؛ بمعنى آخر كيف يُمكن لموقعك أن يتصدر الصفحات الأولى في نتائج البحث عن كلمة مفتاحية ما « Keyword » متفوقاً على عدة مواقع أخرى مُنافسة في نفس المجال؟! هذا هو ما يهدف إليه السيو بشكل عام! من خلال هذا المقال سنستعرض معاً بعض النصائح والإرشادات التي سوف تساعد أصحاب المواقع في تعلم السيو من الصفر وحتى الإحتراف.

    (دورة تعلم كيفية كتابة مقال يتصدر محركات البحث للمبتدئين)




    الجزء الأول من الدرس:
    أول مصطلح المفروض تعرفه هو مصطلح (الكلمة المفتاحية) أو بالإنجليزية keyword، وعشان منطولش في الشرح هتلاقي الصورة الأولى بتقولك إن أي كلمة أو جملة بيكتبها الباحث في محرك البحث جوجل دي بنعتبرها احنا كلمة مفتاحية / جملة مفتاحية.
    ----------------------------------------------

    مثال عملي كباحث على جوجل:
    (1)
    وانا بجهز فيديوهات الدرس الأول حصل خطأ ما بسببه حذفت ملفات صوتية مهمة من الهاتف الخاص بي (مشكلة)

    (2)
    فورًا دخلت على جوجل عشان الاقي طريقة استعيد بيها الملفات المحذوفة (رغبة أو حاجة + تصرف الباحث)

    (3)
    جوجل عاوزني كمستخدم اكتب أي حاجة في مربع البحث عشان يظهر ليا الموضوعات المتعلقة، والمطلوب مني الآن كباحث أكتب كلمة / جملة مفتاحية صح عشان يظهر ليا الموضوع الصح.

    في الأول كتبت (استعادة الملفات المحذوفة) ولكن المصطلح المستخدم لم يوضح نوع الملفات المحذوفة (صورة – صوت – فيديو) ولا الجهاز الذي اتحذفت منه (كمبيوتر شخصي – هاتف على نظام أندرويد – هاتف على نظام آيفون). 🙄

    في المرة التانية جربت مصطلح بحثي أكثر دقة وهو: (استعادة الملفات المحذوفة على الهاتف أو تطبيق لاستعادة الملفات على الاندرويد أو ...... في كلمات كتيرة أوي بتعطي نفس المعنى).

    (4)
    مهمة جوجل الأساسية إنه يوفر لي الموضوعات اللي بتجاوب على سؤالي، أو اللي بتقدم المعلومات اللي انا فعلا محتاج لها، وإلا مش هبحث على جوجل تاني.

    ----------------------------------------------

    ترجمة المثال بالنسبة لك ككاتب:
    (1)
    في بعض الناس بيواجهوا بالفعل مشكلة حذف الملفات، وانت ككاتب عاوز تقدم مقال يشرح النقطة دي وتعلم الزوار ازاي يقدروا يستعيدوا الملفات المحذوفة بسهولة. ومن خلال تجربة المستخدم أعلاه فأنت (جمهورك المستهدف لهذا المقال) أي شخص بيعاني من المشكلة دي (ملفات عنده انحذفت).

    (2)

    الجمهور المستهدف في المشكلة دي بيستخدم محرك بحث جوجل، وانت عاوز مقالك يبقى المقال التوب اللي بيظهر للجمهور المستهدف ده، يبقى اول حاجة مطلوبة منك تقدم له الحاجة اللي هو عاوزها فعلا سواء كانت رغبة أو حاجة ملحة. وده برده اللي جوجل عاوزه منك انك تعمله.

    (3)
    لو هتعمل مقال عن الجملة المفتاحية (استعادة الملفات المحذوفة) فلازم أولا تفهم ان الجمهور المستهدف اللي بيستخدم الكلمة دي بيكون استخدمها عن طريق الخطأ لأنه المفروض يحدد هو عاوز يستعيد ملفات نوعها ايه ومن على أي جهاز.

    فالمفروض هنا ان شعور الباحث ده انه متلخبط ومحتاج حد يوجهه للمقال الصح، فالمفترض ان الجملة دي (استعادة الملفات المحذوفة) يبقى كدليل بيوضح للجمهور المستهدف ان في كذا وكذا وكذا، فالزائر لما يدخل للمقال ده هيضغط مباشرة على لينك شرح كيف يستعيد الملفات المحذوفة من هاتف الأندرويد.

    إنما لو حابب تعمل مقال مخصص فانت بتحدد كلمة مفتاحية أو جملة مفتاحية أو مصطلح بحثي (سميها زي ما تحب) المهم انك في النهاية تخمن الكلمات اللي المفروض الجمهور المستهدف هيكتبها لما يفتح جوجل ويلاقي قدامه مربع البحث فاضي.

    خمن 10 كلمات أو 100 كلمة مش هتفرق لأنك في النهاية برده مش هتستخدم أي كلمة وخلاص، لا طبعا، أبسليوتلي، ده انت لسه هتمر بمرحلة تانية فيها هتفلتر الكلمات المفتاحية عشان تختار كلمة واحدة رئيسية لمقالك وكمان هتختار جنبها شوية كلمات بسيطة تبقى كلمات فرعية لمقالك.

    طبعا في مواقع بتساعدك تعرف كلمات كتيرة مباشرة قريبة والمواقع دي كتير، فقط ابحث عن Keyword tool على جوجل هيطلع لك مواقع كتير وأختار لك المواقع الثلاثة دول:

    موقع جوجل نفسه: ده فيديو بيشرح الطريقة
    https://youtu.be/5Ov8lt2PKTM

    موقع Keyword Tool io نفسه: ده فيديو بيشرح الطريقة
    https://youtu.be/_5hAYv63z7A

    موقع KWFINDER نفسه: ده فيديو بيشرح الطريقة
    https://youtu.be/Nq-bCPEgtTk

    يبقى في نهاية الجزء الأول من الدرس المفترض تكون جمعت مجموعة من الكلمات المفتاحية اللي ممكن تصلح تستخدمها في مقالك ككلمات رئيسية ولتكن:

    استعادة الملفات المحذوفة من الهاتف
    كيف استعيد الملفات المحذوفة من الجوال
    تطبيق اندرويد لاستعادة الملفات المحذوفة
    طريقة بسيطة لاسترجاع الملفات المحذوفة من الاندرويد

    vvvvvv
    vvvvvvvv
    vvv
    ----------------------------------------------
    ----------------------------------------------
    ----------------------------------------------

    الجزء الثاني من الدرس الأول:

    بعد ما جمعت شوية كلمات مثلا هنقول 10 كلمات، المفروض الآن تقيم كل كلمة. وطبعا التقييم (القيم) مختلفة من شخص للتاني. انا الان بتكلم عن قيم شخص عاوز يتصدر في محرك البحث المجاني وعاوز يحقق ربح من مقاله من أدسنس.

    يبقى المفروض انه هيتهم بإنه يقيس مجموعة معايير مهمة قبل ما يحكم ان الكلمة دي تصلح انها تكون كلمة مفتاحية، والمعايير هي:
    1 – كم عدد البحث الشهري
    2 - صعوبة الكلمة (صعوبة التنافس عليها في محركات البحث)
    3 - متوسط سعر النقرة (يعني لما واحد معلن هيعمل اعلان عن الكلمة دي مستعد يدفع كم في المتوسط)
    4 - منافسة المعلنين (طبعا كل لما زادت منافسة المعلنين، كل لما ارتفع سعر النقرة)
    5 – الكلمة دي موسمية ولا عليها بحث طول العام؟
    6 – يفضل اختيار الكلمات المفتاحية اللي مش فيها أخطاء املائية.
    المعايير الخمسة دول تقدر تعرفهم من خلال موقع Kwfinder وده الرابط تبعه
    (https://goo.gl/1wwE38)

    وده فيديو بيشرح ازاي تعرف المعايير الخمسة دول: موقع KWFINDER نفسه: ده فيديو بيشرح الطريقة 
    https://youtu.be/Nq-bCPEgtTk

    المهم انه في نهاية الجزء الثاني تكون حددت كلمة رئيسية واحدة لمقالك + كلمات مفتاحية بديلة تقدر تستخدمها داخل المقال بجانب الكلمة الرئيسية.

    الدرس مشروح فيديو بمعلومات اكتر للمهتمين على الرابط التالي:
    https://youtu.be/MEHjrlgNc08

    تابع مدونتنا لبقية الدورة 
    عرب تك - 3rabtech - Tv
    @مرسلة بواسطة
    كاتب ومحرر اخبار اعمل في موقع مدونة عرب تك | أتعلم تقنية .

    مقالات متعلقة

    إرسال تعليق